Месечеви мени

Месечината ротира околу својата оска и околу Земјата. На својот пат околу Земјата таа само еднаш се врти околу својата оска. Поради тоа од Земјата ја гледаме само едната страна на Месечината. Месечината ја обиколува Земјата за 27,3 Земјени денови.

Движејќи се околу Земјата, различни делови од површината на Месечината различно се осветлени од страна на Сонцето. Различните форми кои ги има Месечината, поради постојаното менување на положбата во однос на Сонцето и Земјата се викаат месечеви мени. Нив ги има осум.

Месечеви мени се:

1. Млада Месечина,
2. Прва фаза на осветлување,
3. Прва четвртина,
4. Последна фаза на осветлување,
5. Полна Месечина,
6. Прва фаза на затемнување,
7. Последна четвртина,
8. Последна фаза на затемнување.

Од овие месечеви мени карактеристични се четири, и тоа:

• Млада Месечина, тогаш Месечината се наоѓа помеѓу Сонцето и Земјата и страната на Месечината што е свртена кон нас не е осветлена и неможе да се види, освен за време на помрачување на Сонцето.
• Прва четвртина, Месечината е видлива навечер, а заоѓа на полноќ.
• Полна Месечина, тогаш Земјата се наоѓа помеѓу Сонцето и Месечината и Месечината е видлива во текот на целата ноќ.
• Последна четвртина, Месечината излегува на полноќ и е видлива се до изгрејсонце.

Помеѓу една Млада Месечина и следната поминуваат околу 29 дена и 12 часа.