Планети и сателити

Планети

Планетите се темни небесни тела, кои кружат околу Сонцето. Тие добиваат светлина и топлина од Сонцето. Во Сончевиот систем се наоѓаат планетите: Меркур, Венера, Земја, Марс, Јупитер, Сатурн, Уран и Нептун. На небото се гледаат како светли точки, кои не трепкаат.

Земјата е трета планета по оддалеченоста од Сонцето. Таа е единствената планета во Сончевиот систем на која има живот. На неа има водени и копнени површини. Има разновиден растителен и животински свет.

Планетите се делат на: внатрешни и надворешни. Внатрешни се: Меркур, Венера, Земја и Марс. Тие се со мали димензии. Надворешни се: Јупитер, Сатурн, Уран и Нептун и се со големи димензии.

          Природни сателити

Во Соннчевиот систем, покрај планетите се наоѓаат и други небесни тела. Такви се: природнте сателити, астероиди, комети и метеори. Природните сателити се небесни тела, кои кружат околу планетите по точно определена патека. Некои од планетите имаат, а некои немаат природни сателити.

Таков природен сателит е Месечината. Таа кружи околу Земјата. Природни сателити има и околу другите планети во нашиот Сончев систем, освен на Меркур и Венера. Големината на природните сателити, во пречник,  може да биде од неколку километри до неколку илјади километри.

Природни сателити на Јупитер: Џо (Ио), Европа, Ганимет, Калисто